القذافى يترشح فى ابوتيج

السلام عليكم اخوانا-وصلنى نقد بناء من اخ عزيز وهو الخونا ابو حمزه الاناضولى ذو الاصول التركيه وممن حكموا مصر من قلعه صلاح الدين-المهم بيقولى ان المدونه بتحابى الكبار فى البلد وجايين على الصغار بس وان البدايه غير قويه ومافيهاش قفش واننا بمعنى كلامه اننا خايفيين من المرشحين الكبار اللى من البندر خصوصا على اساس ان الجبن سيد الاخلاق واننا لازم نعرف ان البلد ليها كبار وكبار قوى وممكن يضربوا بيد من حديد وكمان يحرقوا بيوت ذى مابيدعى المرشح محمد سيدبالذمه مين يخاف من ترشح مخمد سيد ويهدده بالقتل والموت والله اللى يخاف او يعمل حساب لمرشح من هذه الدرجه يبقى فعلا مايستهلش الترشح ويستاهل الضرب فى ميدان عام-ونقول للاخ ابوحمزه اننا قولنا من البدايه نقدنا بناء وبدون سب او شتيمه لشخوص المرشحيين حيث انهم مافيهم بيكفى ومش محتاجين سب او تلفيق فكل واحد من المرشحيين لديه فى سيرته الذاتيه وافعاله مايكفى لان يحاكم جنائيا وبنقوله كله جاى وكله هيتحاسب وكله بميعاد-وبنقول لاخزنا درع العزبه الوتييد احنا هنعملك استتابه ومراجعه فكريه ومنهجيه عسى ان يعود درع من دروع البلد كعادتنا به وحتى يعود راى الاستاذ سيد حمزه فيه كما هو-والاخ مؤمن الجزار نسيت اذكر لكم اهم صفاته او اهم مقوماته اللى نازل على اساسها الا وهى انه مشارك ابن اخت العقيد معمر القذافى قائد الثوره الليبيه مشاركهم فى مشاريع واعمال بليبيا يعنى ملقيوش حد يشاركوه الا الاستاذ مؤمن سابوااحمدعزاو حتى محمد ابراهيم سليمان وجايين يشاركوا عمنا مؤمن-طيب لو انت مشارك الناس دى يبقى انت عايز ايه تانى انت كده المفروض تكون ليك دكه فى مجلس الشعب مش بس كرسى يعنى شركائه دول مش هيعشموا فى حته كرسى لشريكهم فى مجلس الشعب المصرى يخلصولوا الحكايه من فوق فوق قوى يعنى سيف الاسلام معمر القذافى يادوب يطلب من اى حد فى الحزب ترشيح شريك واد عمتهم على قوائم الحزب-يا نااااااااااااااااس انا تعبت من الاستهبال بتاع الناس دى فاكرينا ايه لسه عايشيين فى القرون الوسطى-وانه قال كل يوم بيجيب بياكل سمك من بتاع السمك اللى فى القهوه الوسطانيه اللى قدام المحلج كل يوم يعمل عزومه كبيره وبيجيب ب خمسين جنيه سمك--قلولى انتوا اهوووووووووووووووووووووو ابو خمسه مليار بيعمل عزومه كبيره ب 50جنيه-طيب يا عم اعملنا مصنعيين فى المنطقه الصناعيه بالزرابى تشغل 300 او 500 شاب من شباب الدايره وكده نضمنلك الدكه مش الكرسى يا عمنا-والمصنعيين دول مش هياثروا فى الخمسه مليار دول كانهم الفلوس اللى بتقع منك وانت بتعد المليارات-لنا الله ولا نقول الا اننا نحسبه على خير عند الله